رانيا يوسف تفجر مفاجأة عن أزمة فيلم “التاروت”
رانيا يوسف تفجر مفاجأة عن أزمة فيلم “التاروت”
دافعت الفنانة رانيا يوسف عن فيلم “أوراق التاروت” الذي تشارك في بطولته، بعد تداول أنباء خلال الفترة الماضية عن تعرضه لاعتراضات رقابية بسبب بعض المشاهد.
وقالت رانيا يوسف في مداخلة مع الإعلامي عمرو أديب في برنامج الحكاية الفيلم سيتم عرضه وعمره ما كان ممنوع، ومن أول ما عملنا الفيلم والرقابة أجازته وأجازت النص والسيناريو وصورنا السيناريو بعد موافقة الرقابة، والفيلم مفيش فيه أي حاجة من الكلام الفارغ اللي بيتقال.
وأضافت: “لما شاب صغير عايز يعمل حوار وأقول له معلش مش عايزة أعمل حوارات أو مش عايزة أطلع في البرنامج بتاعك وأعتذر بكل أدب، قلمه يحاربني بيه لمجرد إني مش عايزة أعمل حوار، للأسف دول دخلاء على مهنة الصحافة، ده غير السوشيال ميديا اللي مفيش فيها لا ضمير ولا أخلاق”.
وتابعت: : “هو عيب يكون في كلب في الفيلم؟ لسه مؤخرا فيلم راح مهرجان فينيسيا بالكلب، وفيلمنا فيه قطة مع سمية الخشاب وبغبغان مع مي سليم وأنا عندي كلب، سابوا قطة سمية وبغبغان مي ومسكوا في كلب رانيا علشان التريند”.
واختتمت: “عيب الكلام ده الفيلم متصور وخلص من سنتين، واحد للأسف معندوش ضمير بيقول على نفسه صحفي كتب خبر في جريدة، وإن شاء الله هاخد إجراء قانوني ضد الجريدة وضده وهاخد حقي”.
واعتبرت الرقابة على المصنفات الفنية أن ما يقدمه العمل نوعا من التجاوز ولا يجوز تقديمه للجمهور ؛ مما دفع الرقابة لمنع عرض الفيلم والزام صناع العمل بضرورة تغيير هذه المشاهد وحذفها تماما من العمل وهو الأمر الذى حاول صناعه الاستجابة اليه وحتى الآن الفيلم لم يحصل على تصريح إجازة عرض الفيلم فى الرقابة على المصنفات الفنية.
وتدور قصة الفيلم بين الملثمين حيث بطلة الفيلم سمية الخشاب لدورات تدربية فى الدفاع عن النفس لحماية نفسها من ضمن أحداث العمل، وتظهر من خلال الصور الخاصة مع اشخاص ملثمة يقومون بتدريبها على كيفية الدفاع عن النفس
