كبش تاعو فيه أكياس مائية

كبش تاعو فيه أكياس مائية
كل ما عليك هو تنحي هدوك الأكياس وتدفنهم ولا تحرقهم وكول لحم عادي
كون تاكلهم ما يصرالك والو
اولا وش هو الكيس المائي
عبارة عن طفيلي
Echinococcus granulosus
بصح كيفاه ناكلو وما يصالي والو
لانو العدوى تنتقل للانسان كيما الكبش عن طريق البيوض لي نلقاوهم في الخضر والعشبنعناع سلاطة لي مش مغسول مليح ولا كي نلعبو مع الكلاب contact direct
ممكن يصرالك رد فعل تحسسي بصح ما ينتقلش المړض ليك
منين يجيو البيوض
البيوض يجيو من فضلات الكلاب
الكلب هنا يعتبر حلقة مهمة جدا في انتقال المړض
لانو هو كي ياكل الكيس المائي لحم فيه كيس ولا يصبح حامل للمرض و هاد الطفيلي راح يحط البيوض في الامعاء تاعو
وراح يهبطو مع البراز يلوثو العشب وووو
وكي ياكلهم كبش ولا الإنسان يقيسو المړض من البيوض ويتشكلو اكياس مائية في جسمو
وبش نمنعو هاد الدورة
لازم منخليوش هاد الأكياس في متناول الكلاب نحرقوها ولا ندفنوها
واش هوما الأعراض
مكانش أعراض خاصة
المړض هدا لكان قاسك راك يكون فيه أعرض على حسب وين تشكل الكيس قادر الكبد الرية المخ فالقلب
وتكون أعراض متفاوتة الخطۏرة وساعات يكون العلاج الجراحي صعب ومرات قادر يصراو تعقيدات تؤدي إلى الۏفاة
اذن أفضل علاج هو الوقاية
منخليوش الكيس المائي للكلاب ډفنوه ولا حړقوه
الخضر لازم تتغسل مليح وطيب مليح
لحم أيضا لازم يطيب مليح مش بسبة الكيس المائي وانما كاين أمراض أخرى ممكن تنتقل كيما ثوكسوبلازموز