الثقب الأسود

من يومين واحد صور فتحة تحت كوبري الناس بتعدي منها في الجيزة وكتب عليها الثقب الأسود.

الغريب إن الفتحة دا كان بيدخل فيها ناس كتير بأشكال مختلفة.

ستات على أطفال على شباب، ومعظم تعليقات الناس قالت إنها معدية للناحية التانية من الكوبري.

بس الغريب إن أي حد كان بيدخل الفتحة كان لازم يتلفت حواليه ويتأكد إن مفيش حد شايفه.

الموضوع انتشر بشكل كبير جدًا، والداخلة داهمت المكان، علشان تتصدم بمجموعة مكونة من 20 شخص، منهم 7 سوابق ومسجلين عند الشرطة.

ونشرت الداخلية من نص ساعة بتقول إنهم كانوا واخدين الوكر دا لاستغــلال الأطفال في أعمال التسول.

الغريب إنهم مش مجرد أظفال بتتســول، الداخلية لقت 9 منهم معاهم أسلحة بيضا، وموجودة في صورة الضبط تحت.

وكان من ضمن اللي عايشين تحت 8 ستات و5 أطفال.

الداخلة قبضت عليهم واتخذت الإجراءات القانونية، وحولت الأطفال لدور رعاية.

الحقيقة إن الموضوع مرعب، اختطاف الأطفال وهمَ صغار علشان يبدأ تحويلهم لأطفال شوارع مطلوب منهم إيراد يومي من التسول والشحاتة، ظاهرة مرعبة.

انتشار السلاح الأبيض في مناطق كتير في الجمهورية واستخدامه لأعمال العڼف والبلطجة.

وإن أي خناقة تلاقي اترفع فيها مطواة أو سنجة.

القضية دي مش مجرد واقعة ضبط، دي جرس إنذار بيقول إن شوارعنا محتاجة رقابة أقوى، وقوانين أشد ردع، وحماية حقيقية للأطفال قبل ما يتحولوا لضحايا وضباع في نفس الوقت.

لو ما واجهناش الظاهرة دي دلوقتي، بكرة هنصحى نلاقي الخطړ ما بقاش تحت الكوبري، بقى وسط بيوتنا.