عشيقى

عشيقى
رفض يتجوزني لان مرات ابو
في البدايه اعرفكم بنفسي انا سحر
عندي 23 سنه بابا وماما متوفين كنت قاعده مع مرات عمي وقالت لي
سميه
انا مش فاهمه ايه اللي انت عايزه تعمليه في نفسك ده تتجوزي واحد اكبر منك ب 40 سنه ليه يعني
سحر
عشان الفلوس يا مرات عمي هو انا لو جاي لي شاب دلوقتي صغير هتوافقي اني اتجوزه طب هتجهزيني منين ان شاء الله ما انا عارفه البيت وغطا
سميه
والله على قد ما اقدر ان اجهزك هجهزك انما اللي انت عايزه تعمليه في نفسك ده حرام
سحر
والله حياتي وانا حره فيها ومحدش ليه دعوه بيها وبعدها دخلت عني وقال
عصام
سيبيها يا سميه انا عارف بنت اخويا هتمشي اللي في دماغها وهتعمل اللي هي عايزه
سحر
حلو قوي كلامك ده يا عمي ممدوح جاي بالليل علشان خاطر يتقدم ليا لو سمحت بقى انا عايزاك توافق على كل حاجه وهو يقولك عليها
عصام
ماشي يا سحر بس اعملي حسابك لو خرجتي من البيت ده واتجوزتيه مش هتدخلي البيت ده ثاني
سحر
براحتك يا عمي والله انت الخسران انت عارف من ډخلتي ايه المره الجايه هتكون عامله ازاي ده انا هجهز بنوتك وهجيب لك كل اللي هم نفسهم
سميه
الله الغني يا حبيبتي عنك وعن فلوسك احنا مش محتاجين منك اي حاجه وبعدها نزلت علشان خاطر اشتري شويه حاجات وقابلت احمد
احمد
هو الكلام اللي عمك قاله ليه ده مظبوط انت فعلا هتتجوزي واحد ثاني غيري طب ليه يا بنت الناس ما انت عارفه ان انا بحبك وشريكي
سحر
والله يا احمد الحب دلوقتي ما بقاش ياكل عيش وانا شايفه ان وجودك معايا ملوش اي لازمه غير ان هو هيعطلني عن جوازي وبس
ارجوك لو بتحبني فعلا زي ما بتقول تبعد عني
خالص
احمد
خالص اعملي اللي انتي عايزه انتي حره
وبعدها مشي وانا طلعت الشقه ودخلت
عند رحاب
رحاب
مالك عماله تبصي ليه كده ليه اول مره تشوفي شكلي يعني ولا ايه
سحر
والله يا رحاب انت المفروض تشكريني بالليل ونهار على اللي انا عملته ده سبتلك حبيب القلب اهو يا رب بس يعرف يجيب ليكي شبكه ويعيشك عيشه كويسه
رحاب
ايه الكلام الغريب اللي انت بتقوليه ده مين حبيب القلب ان شاء الله علشان خاطر تتكلمي بالطريقه دي
سحر
هو انت فاكراني مش عارفه ولا ايه ان انت بتحبي احمد وكنت مخنوقه جدا ان هو جاي وتقدم ليا انا خليكي شاطره بقى وروحي قولي له انك بتحبيه
رحاب
الكلام ده اوهام في دماغك انا مش بحبه
ولا حاجه خليكي في حالك وبعدها دخلت
الاوضه وبليل جه ممدوح
ممدوح
اي حاجه سحر هتعوزها انا هجيبها ليها واكتب لها مؤخر كمان كبيره علشان خاطر تبقى ضمنا حياتها لو حصل ما بيني وما بينها اي حاجه
عصام
انا عايزه اسالك سؤال بس يا حاج ممدوح هي مراتك عارفه ان انت موجود هنا النهارده