في جوّال الأب، عثر شاب سعودي على وصية كتبها والده -رحمه الله- قبل رحيله بأيام
الحجة استفرغت ډم وخرج مني الډم وأنا أشعر بخمول شديد مكتفني وما يخليني اتحرك وايم أنام فأحس يا ابني بقرب أجلي وأنا والله ما بغيت أخوفكم وخاصة انت عشان ما ودي أشوفك مهموم وشايل همي وانا الحين قاعد في الصالة اللي فوق وما حد معاي وانت مصطك عليك في غرفتك.. المهم ياولدي والله انك بريت بي وانك يا عبد الله ابن صالح ووالله اني احبك كما تحبني اكثر.. يارب يسعدك سعادة ما تشقى بعدها أبدن وهذه وصيتي لك فانتبه لها وخذ بها يا ولدي
1 الصلاة الصلاة الصلاة
لا تتركها ولو انك على فراش المۏت فانت فرطت فيها كثير والحين اوصيك على صلاتك فهي جنتك ونارك ولا تنسى فرظك حتى الفجر وصلاة الجمعة
2 الله الله في أمك فاطمة
فأنا اقتسمت معها التعب والتربيه وما قصرت معاي ولا معاك والرسول صلى الله عليه وسلم أوصى بالأم فأنا أوصيك بها وببرها وألا ترفع صوتك فوق صوتها ترا هي تشوفك سندها بعدي
3 اوصيك باخوك عبد العزيز واخوك محمد ودراسته وتحمله يا عبد الله لأنه مراهق وتعامل معه كأنك ابوه وخل عنده سيارة ولا تنسى اخواتك حنان
وبشاير فاهتم بهم وكانهم انا وخلك اكبر عون وسند وظهر لهم كلهم فانت المسؤول عنهم امام الله من بعدي خاصة الصغير الضعيف عبد العزيز يا عبد الله ولا تنسى اختك مها أن تكون معين والحمد لله أن الله رزقها بياسر زوجها فهو رجال نشمي وهو اخوك الكبير والله اني احبه واحب اولاده وانا جدهم.
6 لما تروح الرياض تروح لعمك سعيد وتزوره وهذا اللي يسونه عيال عمك معي اذا جاءو للشرقية فرضى عمك سعيد عليك من رضاي
8 لا تتدين ابدا فان السلف تلف وحمله ثقيل ثقيل يا عبد الله فلا تتسلف مهما كان الا في الشديد القوي او تكون مسالة حياة ومۏت غيرها لا.
9 أنا ولله الحمد ما علي دين ابن وما عرف احد يطلبني وان جاك احد وقالك انه يطلبني فاطلب منه ما يثبت من ورقه او شهادة رجال فان جابها فاعطه لكن والله ما عرف احد متدين منه
والله يا عبد الله اتمنى ان يمد الله في عمري واشوفك موظف في ارامكو أو مكان كبير ولكني احس بدنو الاجل وهذا امر الله صدقني يا عبد الله اني اعطيتك كل ما املك وعلى قد اللي اقدر واني ما ابغا اشوفك منكسر ولو عندي زياده لاعطيتك لكن الحمد لله الله الله في نفسك وفي امك وفي اخواتك واخوانك.
استودعك الله يا ابني البار .
قرأت هذه القصة والهمتني فنقتلها لكم عسى ان نكون سبب لدعوة شخص غريب لذلك الشخص وربنا يرحمه ويرحمنا جميعا ..
