وانا صغيرة قصة حقيقية

الشباب
لما كان يجيلنا ضيوف ويكون فيهم رجل او شاب كنت مستحيل اخرج اقعد معاهم لحد ما يمشوا
وفضلت كده لحد لما اتقدم يوسف اخو صاحبتي يخطبني
انا كنت رافضة الفكرة نهائي ومش عايزة اتخطب او اتجوز !!
وبعد محايلات كتير من ماما وبابا وافقت علشان ارضيهم وشرطت عليه انه ميطلبش مني نخرج نتقابل وكمان يتعامل معايا من بعيد لبعيد وهو بصراحة وافق وقعد يضحك
مش هنكب ان يوسف شاب كويس ومحترم لكن انا كنت رافضة فكرة الجواز ومش عايزة اكمل
حاولت انهي الخطوبة لكني معرفتش وفجأة لقيت نفسي بلبس فستان الزفاف !!!
وطبعا انتوا اكيد متوقعين اللي انا عملته معاه يوم الفرح في البيت !!
اول ما اتقفل علينا باب شقتنا وقرب مني صړخت في وشه وجريت ودخلت اوضة النوم
وفضلت قفلاها لحد تاني يوم !!!
وبصراحة هو طلع انسان مهذب جدا وقالي مادام خاېفة كده انا مش هعمل حاجة مش برضاكي وخلينا نتعامل عادي لحد ما نتعود علي بعض
وقعد ٥ شهور بتعامل معاه من بعيد لبعيد لحد ما في يوم قالي كلام جارح قوي وقالي انه لازم ياخد حقوقه برضايا او بدون رضايا !!
ولول ما قرب مني فضلت اصړخ ولمېت عليه الشارع كله !! وطبعا كان لازم بعدها يطلقني
مطلقة وانا لسه بنت بعد جوازي ب ٥ شهور
مش عايزة اقولكم اهلي عملوا فيا ايه بسبب اني كنت السبب في الطلاق !!
عيشت فترة صعبة وقولتلهم اني مش هتجوز ابدا ومحدش يجيب السيرة دي تاني !!
عدت شهور وانا حالتي النفسية سيئة جدا لحد مانزلت شغل
لما اشتغلت كنت بتجنب اني اتعامل مع زمايلي الشباب ولما اكون عايزة اكلم حد منهم في حاجة كنت اقول لواحدة من البنات توصله الكلام
ما في يوم بعد ما رجعت البيت سمعت جرس الباب ولما فتحت اتفاجئت برامز زميلي في الشغل جاي يقابل بابا علشان يخطبني
و نفس اللي حصل في الخطوبة اللي فاتت حصل في الخطوبة دي مع اختلاف ان رامز كان اجرأ من يوسف كتير وده كان دايما سبب مشاكل بينا
وعدت فترة الخطوبة لحد يوم الفرح ونفس
اللي حصل في المرة الاولي حصل في المرة التانية !!
ما اتقفل باب شقتنا و رامز قرب مني جريت علي اوضة النوم وقفلتها عليا ومش فتحتها الا تاني يوم !!
رامز كان فاكرني بدلع لكن تاني يوم بردو مش فتحت باب الاوضة لحد لما اهلي وصلوا علشان يباركولنا !!
وطبعا رامز بقي مسكتش واشتكي لماما من اللي حصل !!
وماما دخلت الاوضة وفضلت تزعقلي وتشتمني !!
وبصراحة انا زعلت من نفسي وبدأت اديله الفرصة لكن مع اول لمسه منه كانت ايديا بتضربه وصړاخي وصل الشارع كله !!!
الجوازة التانية بالطلاق بعد اقل من اسبوع وانا لسه بنت !!!
بعدها اعصابي تعبت جدا وبابا وماما قالولي لازم تروحي لدكتور نفسي وبدأت العلاج معاه لشهور
بعدها لغاية ما اتحسنت و الدكتور قالي اني دلوقتي ممكن اتجوز واعيش حياتي بصورة طبيعية جدا
ورغم كلام الدكتور ورغم احساسي دلوقتي اني كنت غلطانة لكن خاېفة اعيد التجربة وافشل للمرة التالتة
صحيح انا كنت غلطانة لكن بسبب اللي حصل في طفولتي
انتهت
تفاعل لمتابعة المزيد من القصص