اتجوز عليّا فجأة فقررت أعدّل بنفسي

ما الشيخ وضح إن الشرع في صفها وإن العدل مش مجرد نوايا لكن فعل ملموس رجع جوزها للبيت ساكت لكن باين عليه متضايق مش عشان زعلان منها لأ لكن لأنه أول مرة يلاقي نفسه محاصر بالحق
بعد يومين مراته التانية جات تزورها من غير موعد
كانت باينة إنها متضايقة جدا وقالتلها من غير مقدمات
انتي كده بتخربي بيتي
بيتك
أيوه هو بيقول إنه مش قادر يصرف وبيفكر يطلقني بسببك
سكتت بنت خالي شوية وبعدين قالت
أنا مش طلبت منه يطلقك أنا بس بطالب بحقي الشرع بيقول إنك من
حقك تعيشي مرتاحة بس برضه بيقول إن العدل لازم يتنفذ مش يتقال
بس ليه تعملي كده
علشان ماينفعش واحدة تبني والتانية تاخد من تعبها وأنا مش بنت غلط ولا ست ناقصة أنا وقفت معاه من أول يوم وشلت بيت كامل بإيدي مش هستحمل كمان أصرف على حياة مش بتاعتي
مراته التانية قامت وهي بتتحسبن وقالتلها
لو اتطلقت بسبك ربنا هيرجعها في عيالك
ردت عليها بهدوء
أنا مش السبب اللي اختار يتجوز من غير ما يقدر هو السبب وأنا مش حرمت عليه الشرع هو اللي ظلم نفسه
عدت الأيام وبالفعل بدأت بنت خالي تطبق اللي قالته
قدمت أجازة بدون مرتب وقعدت في البيت مع ولادها تهتم بيهم وتعيش أمومتها من غير ضغط الشغل
جوزها
كان ساكت بيتعامل معاها ببرود بس مش قادر يفتح معها موضوع تاني
كل اللي حواليه بدأوا يلاحظوا التغيير حتى أهله بطلوا يتكلموا في الموضوع
هي
من ناحيتها بقيت مستقرة ماديا هو بيتكفل بمصاريف
كل حاجة لكنها في جواها ما بقتش بتحبه
كانت بتصحى كل يوم تعمل فطار تجهز الأولاد للمدرسة تنظف تطبخ لكن جواها في حاجز
كانت بتقول
الراجل اللي كسرني قدام الناس مهما عمل ما يقدرش يرجع زي ما كان أنا مش ندمانة إني رفضت أتصرف على بيتين بس ندمانة إني حبيته أكتر من نفسي
رغم إنهم تحت سقف واحد لكن هي كانت عايشة في عالم تاني
بقت تشوفه كواجب مش كحب
كأب لأولادها مش كزوجها
ولما في مرة قالها
ممكن نبدأ من جديد
ردت عليه
نبدأ منين من اللحظة اللي قلت فيها على واحدة تانية دي مراتي وأنا قاعدة ولا من الۏجع اللي عيشتني فيه الحب اللي كان بينا ماټ وأنا مش ناوية أعيش جسد من غير روح بس برضه مش هكسر البيت ومش هسيب ولادي
قالها
بس أنا راجل والشرع محلللي
ردت عليه
الشرع محللك بس مش محللي أنا أنام وأنا موجوعة وأقوم وأنا
شايلة حمل مش حقي الشرع قال فإن خفتم ألا تعدلوا فواحدة
وسابت الكلام وخرجت من الأوضة
الناس بدأت تتكلم تقول
شايفة نفسها علشان شغالة دكتورة
هي السبب في طلاق مراته التانية
هي عنيدة ومتعالية
لكن هي ما كانتش بترد
كانت كل مرة تسمع كلمة تبص لولادها وتفتكر هي عملت كل ده ليه
كان ممكن تسيب البيت وتمشي وتبدأ حياة جديدة لكنها اختارت تكمل علشان ولادها ما يعيشوش