اسكريبت غرفة رقم 315 كاملة لجميع فصول

انت الي تودع الاول ماشي زي

بعضه
_ سيبه هو ملوش ذنب ف أي حاجة أنا الي غلطت وخليته يجي معايا هنا
للاسف فيه ناس بتدفع أخطاء ناس تانية مش كل الي بيتحاسب بيبقي مذنب
_ أرجوك سيبه مينفعش ټقتل حد ملوش ذنب
وانا بردو مكنش ليا ذنب
فونه رن ف ساب الشنطة و رد أيوة يا ملك اه هما جم طيب طيب لازم حالا ماشي انا جاي
قفل الفون وبصيلنا ليكم نصيب تعيشوا ساعة كمان هخلص شغلي وافضالكم خالص نصيحة مني لو فضلتوا تزعقوا مثلا علي أمل إن حد ينجدكم ف مستحيل حد يسمعكم وانتوا هنا ومبايلاتكم معايا قضوها اذكار بقى لحد ما اجي
ضحك ومشي مختل!!
بصيت ل احمد ف لقيته باصصلي
مربوطة جامد
حاولت افك نفسي بس معرفتش
مټخافيش مش هخلي أي حاجة تحصلك
_ بس هو أكيد هيجي يقتلنا مفيش اي حد يعرف أننا محبوسين هنا اكيد نهايتنا هنا
طب أهدي اهدي كل حاجة وليها حل
_ أنا اسفة يا احمد انا السبب مكنش ينفع اجي هنا
انتي جيتي عشان خاېفة علي حلمك مينفعش تلومي نفسك
_ كان المفروض اسمع كلامهم أنا منفعش في أي حاجة
بس علي الاقل انتي اشجع ست أنا شوفتها في حياتى
بصيتله _ بجد
بجد
_ يعني لو موتك مش هتزعل مني
ضحك لاء مش ھنموت متبقيش محبطة كده
_ انت جايب الامل دا كله منين
والله مكان شاعري
_ شاعري
انتي عارفة بندفع كام في الشمع عشان تبقي الإضاءة كده
ضحكت _ احمد انت مش طبيعي فكر بقي في مخرج من المصېبة الي احنا فيها دي
انتي لونك المفضل اي
_ أحمد!!!!!!
يستي ماشي خلاص هو فيه حاجة أنا مخبيها عليكي
_ حاجة حاجة اي
أنا مش مهندس
_ ايييي امال اي الشركة الي كنا فيها اي
بتاعت واحد صاحبي كان لازم كل حاجة تمشي طبيعي عشان اجي معاكي هنا
_ تيجي معايا!! لي عاوز تيجي هنا لي
عشان شغلي
_ شغلك
مريم أنا ظابط
_ اي
أنا كمان جيت عشان الشغلانة علي المحك وممكن اترفد
_ يعني دلوقتي البوليس هيجي وينقذنا
لاء اصبري اصل لقيت عينك لمعت مرة واحدة وفيه امل ف لاء فرملي
_ امال في اي
أنا جاي من وراهم في الشغل بردو
_ اممم
وصاحبي هو الي يعرف مكاني دلوقتي عشان معايا جهاز تتبع
_ امممممم
وهو اكيد هيجي إن شاء الله لما يبلغهم في القسم إن بقي
معايا دليل عشان أنا معايا تسجيل ب كل الكلام الي اتقال
_ بجد الحمد لله أخيرا يعني السبق الصحفي الي عوزاه هيحصل
ممكن يحصل ويتكتب تحته شهيدة العمل ادعولها بالرحمة
_ لي هو صاحبك دا مش مضمون
رئيس القسم الي صعب حد يقنعه ب حاجة انتي ادعي كتير واذكار فعلا وانتي قاعدة
_ إن شاء الله يجوا ويلحقونا يارب يعني انت ظابط
انتي لسه بتستوعبي
_ لاء اصل فعلا انت دمك سم ف لايق عليك تبقي ظابط
ولو كنت فضلت مهندس
_ كنت هقولك لايق عليك تبقي سايكو
ضحك وبصلي هنتقابل تاني لو طلعنا
_ دا وقته
قعدت ابص حواليا علي السكاكين الي علي الأرض ورجعت بصيتله _ تعرف توصل ل السکينة دي
مريم أنا عندي الغضروف ما تهمدي بقي
فضلت ازق نفسي بالكرسي لحد ما وقعت بيه واتحركت نحية السکينة ومسكتها ب أطراف صوابعي وبدأت اقطع في الحبل
يبنت اللعيبة!
_ كنت باخد كورسات دفاع عن النفس
بصيت ورايا لقيت ورق مكتوب مسكت النوتس وبدأت اقرأ فيها
عمره ما فهمني كان بيتعامل معايا كأني انتيكة بتاعته هو وبس حبيته بس علي قد حبي كرهته كرهته لما ضړبني عشان شاب جه يكلمني كرهته لما حبسني في الاوضة بتاعتي اسبوع مشوفتش فيهم حد كرهته