رواية عشق من قلب الالم

حاجه الي اقصدو انا منشط قوي ومخدر كمان يخليك مش حاسس بحاجه ولا شايف حد وتفكيرك في شيء واحد طبعا فاهمني جاتلك الاعراض دي قبل كده

رامي پصدمه ايو ايوه من حوالي شهر كده وامبارح بليل بس انا مبخدش حاجه ابدا عمري مااستعملت الحجات دي ولا اعرف شكلها

الدكتور تمام في حال انت مخدتش اي حاجه يمكن حد حطهولك في اكل في شرب

رامي بتفكير لا يادكتور معتقدش فيه حد ممكن يعمل معايا كده حيحطلي منشط ليه وبعدين في اليومين الي بحكي لحضرتك عليهم دول ماكلتش حاجه لوحدي من شهر كنت راجع من السفر اتغديت انا وعمي ودنيا ومتعشيتش وامبارح كمان اتغديت انا ودنيا ومتعشيتش فلو فيه حاجه في الاكل

دنيا اتنفضت من مكانها بلهفه وقالت الازازه

الدكتور قلت لحضرتك ملهاش دعوه و

قاطعتو دنيابسرعه لا انا مقصدش المشروب انا قصدي الزازه دي بالتحديد بصت لرامي وقالت امبارح انا وبطبق الهدوم الازازه دي كانت في الطقم الي كنت لابسو ليلتها وانت قلت ملهاش صلاحيه وشربت منها وبعدها اتعبت انا متأكده ان لو فيه حاجه من الي الدكتور بيقلها تبقى في الازازه دي بالتحديد

رامي كان مستغرب جدا بس دا

بنسبالو كانت الحاجه الوحيده الي بتفسر الي عملو مع دنيا قال مش يمكن تكون غلطان يا دكتور

الدكتور انا شبه متأكد الحلات دي بتمر عليا كتير الشباب في سنك بياخدو الحجات دي وفيه منهم الي قلبو مبيستحملهاش بس انت اخدت منها بنسبه عاليه جدا وده عمل هبوط في الډم وذود ضربات القلب على العموم هنتأكد اخدت عينة ډم منك وهاخد الزازه الي بتقول عليها المدام في حالة شكي في محله وانت واصلك منشط فعلا هحلل الازازه واعرف اذا كان فيها نفس المنشط ولا لا هاجي لحضرتك باليل وقولك النتيجه وياريت انهارده متعملش اي مجهود عن ازنك

دنيا وصلتو للباب وراحت تشوف رامي قعدت جمبو بس هو كان مكسوف من نفسو جداومش بيبصلها وفي دموع بتنزل على خده بصمت

دنيا بصت لحالتو بالم وفتكرت حالتو امبارح كان واضح انو

مش في وعيه ازاي مفكرتش انو ممكن يكون فيه حاجه غلط هي عارفه ان دي مش اخلاقو افتكرت كلامها الي يدبح واتنهدت پألم وقالت ايه مش عايز تبصلي