يعني يرضيكي يا ماما الكلام اللي نور قالتهولي؟!

يمكن لأول مرة حد يوقفها بالشكل ده.
ماما كملت
انتي فاكرة
لو محمد عرف بالكلام ده كان هايعديها ده كان هايعلقك من شعرك.
بس حور كانت أجدع منك واحترمتك واحترمت بيتك.

وانا انا اللي هربيك.
سمعت صوت خبطة خفيفة يمكن ماما كانت بتشاور بإيدها وهي بتتكلم من العصبية.
من النهاردة مفيش كلمة تطلع من بقك لحور إلا كويسة.
ولو غلطتي تاني هعرف أوريكي يعني إيه احترام.
نور اڼفجرت
يعني انتي واقفة مع الغريبة عليا!
ماما ردت بهدوء قاټل
الغريبة يا نور
دي اللي هتبقى مرات أخوكي.
دي اللي هتندفن معاكي في بيت واحد.
وانا مقدرش ارضى اتنين من ولادي يتفرقوا بسبب لسانك.
نور بقت تتنفس بسرعة
وبعدين

فجأة صوتها واطي
طب وانا محدش بيحن عليا. انا لو صحبتي غلطت كنت هزعق زي ما زعقت انا مش ناقصة حد يا ماما.
ماما قربت منها وصوتها بقى حنان وحزم
يا نور انتي بنتي بس البنت اللي مالهاش صاحب بتبقى قوية ومابتكسرش قلب حد.
وانا بقولك اهو روحي اعتذري لحور دلوقتي قبل ما محمد يشم خبر.
سكتت ثواني وبعدها سمعت صوت نور وهي بتتنهد
حاضر يا ماما.
ماما رجعت تكلمتني
استني انا لسه مخلصتش.
وبعدين نادت بصوت عالي
محمد تعالالي

يا ابني.
سمعت صوت خطوات وصوت محمد بيقول باستغراب
خير يا ماما
ماما قالتله
اقعد واسمع. وركز في اللي هقوله.
حور مش تتساب.
حور دي تتشال على الراس مفهوم
محمد رد بجدية
فاهم يا ماما في ايه
اختك غلطت فيها وغلط كبير كمان.
وانت هتروح لحور النهاردة.
وتقولها إن البيت دا بيتها
ومحدش ليه كلمة عليها غيرك
محمد اټصدم
نور عملت ايه
ماما قاطعته
ما تسألش المهم هتروح وتاخد هدية.
نور قالت باستغرب
هدية اي

يا ماما
سكتت لحظة وبعدين صوت فتحة درج وشنطة بتتسحب.
دهب سلسلة دهب نظيفة هديتي لحور.
وتروحوا سوا وتلبسها لبها بايدك يا محمد.
وتقولها إن حقها جه لحد عندها.
محمد رد بصوت مليان رجولة
حاضر يا ماما اللي تشوفيه.
ماما اتنفست براحة وقالتلي من السماعة
خلاص يا قلب امك قولي لبابا ان محمد جاي.
والسلسلة لو ما عجبتكيش نغيرها.
بس حقك انا جبتوهولك.
وانا عمري ما اسمح حد يكسر قلب بنتي.
وقبل ما اتكلم لقيتها بتقفل
وهي بتقول
من غير اعتراض ع حاجة سامعة يا قمر
وانا قعدت ماسكة الموبايل ودموعي نازلة نصها ۏجع ونصها رضا.
ونبضي بيتسابق مع باب الشقة اللي على وشك يدق.
تمتت