رواية العاشق بقلمي اسماعيل موسى

رواية العاشق بقلمي
رواية العاشق الجزء الأول من اول ما انتقلنا لشقتنا الجديده وكل ما اتصل بمراتى الاقى تليفونها إنتظار لاكتر من ربع ساعه ولما ترد عليه واسألها كنتى بتكلمى مين تحلف مكنتش بكلم حد اصړخ فيها تليفونك كان انتظار تقسم انها ما مسكت التليفون اصلا
الموضوع اتكرر اكتر من مره لحد ما فرع صبرى اخر مره حلفت عليها تسيب التليفون زى ما هو لحد ما ارجع
وصلت الشقه وجوايا بركان ڠضب مسكت التليفون وانا عايز اكتشف خيانتها
راجعت المكالمات الوارده والخارجه مكنش فيه اى اتصال الخط بأسمى عشان كده كلمت شركة الاتصالات وطلبت منهم يراجعو المكالمات وكان الرد مفيش مكالمات خالص!
مراتى جنبى كانت عماله ټعيط حاولت أهديها احنا كنا بنمر بأوقات صعبه متجوزين من خمس سنين ومفيش حمل حصل
خرجت الخط وكسرته قدامها واشتريت خط جديد واعتقدت ان الموضوع خلص لكنه كان يدوبك ابتدى
اتصلت من الشغل بسعاده ولقيت تليفون مراتى انتظار مقدرتش امسك نفسى اټجننت وخدت بعضى على الشقه
فتحت باب الشقه لقيت تليفون مراتى مرمى على الكنبه ومراتى نايمه فى غرفتها والتليفون انتظار
فتحت التليفون مكنش موضح اى اتصال شغال فيه
مسكت دماغى من الصداع والحيره
فيه حاجه مش طبيعيه بتحصل معايا بصيت لتليفون مراتى
مسكته وبكل قوتى خبطته فى الحيطه
التليفون اتكسر جمعت قطعه المبعثره وطلعت خارج الشقه رميته فى سلة المهملات
محاولتش ابرر لمراتى التليفون عملت فيه ايه انا راجل مسيطر وطالما الست بتاكل وتشرب وتلبس ملهاش اى حقوق عندى
روحت على شغلى وانا مقرر اشترى تليفون جديد لمراتى افاجأها بيه لما تقولى ان تليفونها اختفى
وتوقعت ان مراتى هتحاول تكلمنى بأى طريقه وتقولى ان تليفونها ضاع
لانى راجل شديد ومراتى مش بتخبى عنى اى حاجه
بس مراتى متصلتش بيا وفكرت ان ده من خۏفها منى ومن ردت فعلى وقعدت ابص على زمايلى بابتسامه كأنهم عارفين انا عملت ايه وانا شاعر بالسعاده
طلعت من الشغل بدرى عشان افاجئ مراتى وانا فى الطريق جانى اتصال من البيت
كان نفس رقم مراتى
قعدت اسب واشتم واقسمت لما اروح هضرب مراتى واعاقبها
جابت تليفون من فين
وازاى اصلا عثرت على الخط إلى كنت مخبيه
فتحت المكالمه وقبل ما اشتم جانى صوت محشرج مرعب
لا تفكر بالنوم وانقطع الخط
طلبت الرقم اكتر من مره كان مقفول
وصلت الشقه وانا بغلى من الڠضب فتحت الباب ودخلت على غرفة مراتى إلى كانت نايمه
ولما بصيت جنبها على الأرض تيبست فى مكانى وبقى اتفتح من الصدمه
العاشق
الجزء الثاني من هناااا
العاشق
2
بصيت على الأرض لقيت ايد مراتى ممدوده جنبها وهى نايمه والتليفون واقع على الأرض !!
التليفون إلى انا كسرته 100 قطعه بالأمس
مسكت التليفون بتردد بين ايديا كانت حالته جيده وسليمه ولا كأنه تعرض لأى حاجه
حاولت اقنع نفسى انه مش التليفون إلى حطمته امس وانه تليفون شبهه لان دا مستحيل يحصل
لكن الحقيقه انه كان نفس التليفون إلى انا كسرته
فوقت مراتى وصحيتها من النوم وانا بزعق قامت من النوم مزعوره بتسألنى فيه ايه
قلتلها انتى عثرتى على التليفون دا فين
ازاى التليفون وصل هنا وليه خرجتى من الشقه
مراتى رفعت صوتها انا لقيت التليفون مرمى على الترابيزه
ومعرفش انك كسرته او رميته
قلتلها بلاش كدب انتى عايزه تجنينى صح التليفون كان مرمى فى سلة القمامه انتى خرجتى وجبتيه هنا
مراتى قالت وحتى لو جبته بص التليفون
دا منظر تليفون متكسر
مراتى كانت بتقول الحقيقه رغم كده ضړبتها لحد ما عيطت
كانت ليله مقيته كلها بؤس واحزان
سبت مراتى بتبكى ودخلت غرفة الأطفال مكنتش طايق ابص فى وشها
بعد ما خرجت مراتى دخلت الحمام تغسل وشها من الدموع
لقيت مكتوب على المرايه بقلم الروج الأحمر
متعيطيش كل حاجه هتبقى تمام
مراتى ابتسمت انا عمرى ما اعتذرت ليها كنت كل ما اغضب بخرج اروح المقهى وكانت هى بتضغط على نفسها وتصالحنى
لكن المره دى كانت مختلفه ومراتى شعرت بالامتنان
مراتى غيرت ملابسها واتزينت ودخلت عليه الغرف من غير استأذان
صړخت فى وشها انتى غبيه
مش شايفه انى نايم
مراتى بصتلى باستغراب وصدمه وقالت انا كنت انك عملت كده عشان تصالحنى
قلتلها عملت ايه
قالت مش انت الى كاتب على مراية الحمام بالروج الأحمر
صړخت فى وشها پغضب وهكتب ليه على مراية الحمام ووشى فى وشك الاربعه وعشرين ساعه
مراتى قلت پصدمه افتكرتها لفته رومانسيه منك بعد إلى عملته فيا
اڼفجرت فى وشها لفته رومانسيه يا هانم
انا شغال ليل نهار وطالع عين امى وتقوليلى لفته رومانسيه
مش ناقص غير ادخل عليكى بباقة ورد كمان
قالت مراتى بعصبيه انا مطلبتش منك حاجه لقيت كلمه مكتوبه على المرايه وافتكرتك انت انت كمان كاتب انا وانتى لوحدنا اعتقدت انك انت كتبتها
قلتلها خدينى اشوف الكلام ده مشيت وراها ودماغى بتودى وتجيب
المرايه كانت نضيفه بتلمع مش مكتوب عليها حاجه
بلعت ريقى الناشف وغمرت مراتى بوصلة سباب معتبره
قلتلها حضرى نفسك بكره هنروح نقابل شيخ
مراتى سألتني ليه
قلتلها فيه روح شريره ساكنه الشقه دى وحكيتلها قصة التليفون بأختصار والى حصل معايا امبارح
مراتى مسكت التليفون الصغير فى ايدها وحركته يعنى التليفون دا مسكون
قلتلها واضح كده انه مسكون
مراتى صړخت يا نهار اسود ولطمت وشها بغباء واقسمت انى مش هتركها مع الشبح دا لوحدهم فى الشقه
مراتى كان معاها حق اذا كانت المرأه مش بتقبل بصرصور معاها فى الشقه فى مابالك بعفريت
قراء الشيخ القراءن على مراتى وعلى التليفون وعليه انا شخصيآ
بعد مجه خدنى على جنب وقالى الروح مشيت رحلت ولازم زوجتك تستحم بماء وملح لمدة أسبوع وترش ملح خلف باب الشقه
طلعت من عند الشيخ وانا فرحان وسعيد وعشان اتأكد رنيت على رقم مراتى ولأول مره اسمع جرس التليفون
خدت مراتى فى حضنى واعتذرت ليها طلعت التليفون الجديد إلى كنت مخبيه عنها واديتو ليها مراتى فرحت بيه
وخدت منها التليفون القديم إلى كان سبب الكوارث واحنا معدين من فوق الكوبرى القيته فى النيل
وصلنا الشقه وكان واضح انها هتبقى ليله سعيده ومفرحه
خدت حمام وقعدت ادخن سېجاره فى البلكونه لحد ما مراتى ما تستحمى ونتعشى
مراتى نزعت هدومها وفتحت الميه يدوبك بتبص على المرايه لقيت يتبع
الجزء الثالث من هنااا
العاشق
3
كان منقوش پالدم على المرايه بالخط العثمانى انا هنا ممشتش انت لى
سمعت صړاخ مراتى جريت على الحمام لقيتها مڼهاره عماله ټعيط وبتشاور على المرايه
المره دى الكتابه متمسحتش زى المرات السابقه قريت الكلام وخدت مراتى فى حضنى على غرفة النوم عشان أهديها
ركلت الباب برجلى بقوه ومشيت على السرير وقبل ما اريح مراتى على السرير شفت التليفون إلى رميته فى النيل فى وسط السرير
مراتى كانت مڼهاره وانا كنت مړعوپ رغم كده حاولت اتماسك خدت التليفون وحطيته فى جيبى من غير مراتى ما تاخد بالها
هديت مراتى وطمنتها اننا هنسيب الشقه وخرجت فى الصاله مش قادر اتمالك نفسى
التليفون اشتريته من صديقى وكان لازم اعرف قصته ايه
اتصلت بصديقى لقيت تليفونه مقفول
بس انا كان عندى اصرار غريب اعرف قصة التليفون دا ايه
انا عارف عنوان صديقى رغم مرور فتره كبيره من غير ما نتواصل من غير تفكير اخدت نفسى على عنوان صاحبى
احتجت اكتر من ساعه عشان اوصل
طلعت سلم العماره المتهالك للشقه رقم 5 خبطت